Watu 79 wahofiwa kufariki mkasa wa moto London...

Haki miliki ya picha

Watu 79 wamefariki au hawajulikani walipo kufikia sasa kutokana na mkasa wa moto jumba la Grenfell Tower jijini London, polisi wamesema.

Kamanda wa polisi Stuart Cundy amesema hayo kupitia taarifa, na kuongeza kwamba idadi hiyo inaweza kuongezeka.

Moto ulizuka katika jumba hilo la makazi la orofa 24 mtaa wa Kensington Kaskazini, magharibi mwa London mwendo wa saa saba usiku saa za London 14 Juni.

Familia nyingi zilipoteza zaidi ya jamaa mmoja, alisema Bw Cundy.

Miongoni mwa waliojeruhiwa, 18 bado wamelazwa hospitalini, tisa wakiwa hali mahututi.

• Kwa Picha: Moto wa London
• Moto London: Tunayoyafahamu kufikia sasa

Bw Cundy amesema kwa sasa wanapatia kipaumbele shughuli ya kuwatambua waliofariki ndani ya jengo hilo na kuondoa miili yao haraka iwezekanavyo.

Hata hivyo, amesea si wote watakaoweza kutambuliwa na kwamba shughuli yenyewe ya kuwatambua watu wote waliofariki huenda ikachukua "wiki nyingi, nyingi sana".

Raia Uingereza walikaa kimya dakika moja saa tano mchana saa za huko kutoa heshima kwa wathiriwa.

Awali, polisi walitoa picha mpya za jumba hilo na kuonesha changamoto wanazokumbana nazo katika kujaribu kutafuta miili ya waliofariki.

Haki miliki ya pic